ما قلت لك !! وحدك غديت النور .. والباقي ظلام ..~

وإن السّهر لابانت خيوط الفجر .. يبدا ينام
يتركني بروحي أطيّر من حنيني لك حمام

وأحمله شوق وسلام

وماقلت لك !!!

إنت الوحيد اللّي اشوفه ذنب مهما إرتكبته .. ما أحس إنّه حرااااام !!!!

وماقلت لك !!!

إن الحنين .. رمـــاح *** وإن الغيـــاب .. أحباب
وإن الشعر .. مفتـاح *** وإن القلــوب .. أبواب
ما قلت لك إن الهـنى *** ماله على قلــبي دروب
وإن الحزن فيني بنى *** بلدان وهمومي شـعوب
وإن الشعر مالي غنى *** عنّه .. وعنّه ما اتوب
وإن الحــنين اللي بنا *** أطهر مساحات الذّنوب

وإن الشعر ... مثل الحزن قسمه ونصيب !
وإن المنافي ... مع مرور الوقت تصبح ديرة أولاد الغريب !
وأن الصبر ... مهمايواصلنا يجي يوم ويغيب !

يمكن لأنّه ملّنا !
وإلاّ الصّبر مل الصّبر ...
مدري ولكن قلت لك ...

ماقلت لك !!!

أشيائي الحلوه قليل ...
وإنّك أحد أشيائي الحلوه القليل ...
معاك أحس إنّي سهر ليله طويل ...
ألقابه لحزني خليل ...
وأحس في صبري حطب .., وأيّام غيباتك فتيل ...

مادري متى يجتاحني هذا الملل ؟؟؟
واحرق سنين من الصبر !!!!

وماقلت لك !!!

لو جيتني مرّه مطر ...
تلقاني بدوٍ تنتظر !
يستبشرون ..

إن جت مقاديمك تغنّي عن حضورك يمّهم ...

من طهرهم ...
البرق .. في تعريفهم يعني حياة ...
والغيم .. صوته أغنيات ..

من غبت عنهم عايشين بهمّهم ..

تفرّقوا ... صاروا شتات ...
وأنت الوحيد اللّي تجي وتلمهم !

وماقلت لك !!!

( أشيا 3 )

باقيه ماقلت لك

إنّك مثل حزني ... قدر !!
وإنّك مثل ليلي ... سهر !!
وإنّك عمر ..
والعمر ... مرّه بالعمر !!
والعمر ... مرّه بالعمر !!

والعمر ... مرّه بالعمر !!!

عضو مرشح للاشراف الجنس : 1388 22/05/2011

ليس جديد عليكى التميز والابداع والتالق

فهذا امر اعتدناه منكى فى كل زمان ومكان

شكرا لكى اختى الغالية الرقيقة غدووووش

[ندعوك للتسجيل في المنتدى أو التعريف بنفسك لمعاينة هذه الصورة]